भोलिदेखि मौसममा सुधार

  • प्रकाशित मिति : April 7, 2019
  • टुरिजम सञ्चार

काठमाडौं, चैत २४ । मौसमविदले आज पनि देशभर बदली हुने बताएका छन् । साथै पूर्वी, मध्य र पश्चिम क्षेत्रका केही भागमा हावाहुरी र मेघ गर्जनसहित वर्षा हुने अनुमान पनि छ ।

अहिले प्रि-मनसुन सिजन अलि बढी सक्रिय देखिएको छ । त्यसैले केही दिनयता बादल लाग्ने, वर्षा हुने र हावाहुरी चल्ने क्रम जारी छ । आज पनि यस्तो अवस्था देशभर नै रहने छ । आइतबारदेखि पश्चिम क्षेत्रबाट मौसम क्रमशः सुधार हुँदै जाने मौसमविदले बताएका छन ।

यद्यपि मौसमी प्रणाली छिटोछिटो परिवर्तन हुने हुँदा पूर्वानुमान गर्न गाह्रो हुने मौसमविदहरु बताउँछन् । मौसमविदहरुका अनुसार नेपालमा सामान्यता मार्च, अप्रिल र मेसम्म प्रिमनसुन गतिविधि हुन्छ र जुन १० बाट मनसुन सुरु हुन्छ ।